شـرٍوٍق ـآلشمــس ع البحر .. رحلتـي للشرٍقيـه ..

مـ ع ـاند جروحه · 07-30-2009, 10:21 AM

إذا مر يوم ولم أتذكر

به أن أقول صباحك سكر
فلا تحزني من ذهولي وصمتي
ولا تحسبي أن شيئًا تغير
فحين أنا لا أقول أحبك M102

فمعناه أني أحبك أكثر ..

يسعدلي صبآحكم يآرب ..

ـآليوم ع حدود الساعه 3 الفجر كذ1 مسكت معي أنآ وولد عمـي إلآ نشوف شروق الشمس على الشآطئ ^^

ويوم جت السآعة 5ونص وحنآ نشغل الموتر ونتوكل على الله متجهين لكورنيش النخيل ..

يوم وصلنآ رحنآ فـ البدآية لكورنيش النخيل وكأنهـ مآجآز لنآ قلنآ نروح للفنآتير ويوم وصلنآ للفنآتير

وحنآ نهوٍن ونرجع مع دربنآ للنخيل .. طلع أحسن منهـ بالصبآح >> النخيل أكثر نآس :)

روحتنآ كلهآ علشآن نشوف شروق الشمس ونصور معهآ ونلقط من خشآش البحر ونسكتشف

يمكن يمكن نحصل حيوآن بحري جديد محد شآفة قبلنآ ويسجلونهآ بإسمنآ ويسمونهـ مثلآ ( معآنكوش ) <نسبه لمعآند طبعـاً ..

وندرسهـ ونآخذ فيهـ المآجسيتر والدكتورآهـ >> مآسك خط مع أحلآمهـ الوردية ^^

مآلكم بالطويلة بعرض لكم الصور التي تم إلتقآطهآ على كورنيش النخيل قبل سويعآت

هذآ سرطآن البحر كنت آحسبة نآيم وقآعد آموهـ عليهـ بيدي من بعيد وطفشت وأنآ أموّهـ

أثر الرجآل فآطس وشبع موت وأنآ لي سآعهـ أقردنهـ حتى يتحرك :(

وهذي صورة لهـ بعد مآ آستقويت عليهـ وشلتهـ بيدي وفكيت يديهـ لأنهـ كآن حآطهن على عيونهـ (كانه بزر يصيح يعني)

شكلة مآت وهو كآن يصيح.. الله العآلم إنهـ أصيب بصدمة عآطفية ومآقدر يتحمل وهو فيهـ قلب
ومير هو ينجلط والصيحة هي الصيحهـ .. إييييييهـ الله يلوم اللي يلومهـ كل شي ولا الخيآنة.. >> مطولة حآلتك يالأخو ؟

عآد بقولكم بعض المعلومآت عن هالحيوآن .. جبتهآ من النت .. صحيح إنهـ مآت بس بآقي جمآعتهـ مآمآتوآ ..

سرطآن البحر لهـ اسم ثآني وهو السلطعون أو القبقب لهـ أنوآع كثيرة وبعضهآ مآيوكل مهوب كل من مسك

سرطآن شوآاهـ وأكلهـ .. ترى بعض السرطآنآت تجيب السرطآن >> هذي من عندي لأحد يآخذهآ خخخخخ
طبعآ هذآ اللي تشوفونهـ منتشر بشكل عآم بالخليج ويسمى (

شريب ) وجمعهـ ( شرآبآت عآيلة ) هع .. امزح قصدي ( شرآيب )

شفتوآ يدينهـ هذي يسمونهآ كلآبآت تنفعهـ بإصطيآد فرآئسة والدفآع عن نفسهـ ويقولون إن معهـ كونغ فو ^_^

أيضآ مآبيكم تتحآقرونهـ ترآهـ يعتبر من آكلات اللحوم .. ووجبتة المفضلة الغزلان >> غزآل بالبحر ؟ الحمدلله والشكر :)

المهم يآكل لحم وبس إن شاءالله شيش طآآووق ^^.. وترآهـ مآيوفر يآكل النبآتآت والحيوآنآت الصغيرة
والأسمآك الصغيرة وحتى الكبآر من السرطآنآت تآكل الصغآر منهآ >> أنآ دآري والله أصلآ من اسمهـ مآ أرتحت لهـ
والنوع الكبير منهن يآكل جوز الهند يتسلق فوق شجرة جوز الهند ويقصهآ بالكلآبآت حقآتهـ ثم يدحدر
عليهآ ويآكلهآ .. على كثرة أكلهـ مآلهـ كرش .. هذي رسآلة لأهل الكروش بإن السبآحة وأكل صغآر
السرطآنآت وأكل جوز الهند وأكل النبآتآت البحرية تمنع بإذن الله من ظهور الكرش >> إستنتآج حوطي ههههههههههههههههههههههه

نجي لأطلق جزئية وهي التكآثر : شفتوآ هالسرطآن الحين بس بتصدقوني يوم قلت لكم لا تحتقرون

لأنهـ على عكس أغلب الحيوآنآت البحرية فـ هو يقدر يتزآوج ويبيض بأي وقت من السنة
طلع فحل المآخوذ .. أهب يآهالقطيمة .. اتق شر من قرب من الأرض ^^
ومن بعد مآيسوون طقوسهم الويكئندية هع .. من شهرين إلى 9 شهور تضع الحرمة بيضهآ.. ومن بين كل مليون بيضة تعيش بيضة وحدة وتفقس لسرطآن كآمل ويعيش حيآتهـ ويفلهآ ..
تصدقون إني اكتشفت إنهـ مثل الآدمي .. سبحآن اللي خلقنآ ..
وبقولكم آخر معلومة لأني طولت عليكم .. هذآ السرطآن عندهـ ميزة مثل البعآرصـهـ .. إذآ أحس
بالخطر يقدر يستغني عن أحد أطرآفة بس أهم شي يفرك عن مصدر الخطر.. والبعآرصهـ كذآ
لمنك حذفتة بزبيرة مقآس 41 ومحطت جنبة حذف عليك ذيلة وحط رجلة.. منهآ يضحك عليك ويخليك
تنبسط وتنسآهـ خخخخخخخخخ لأنك تحسب إنك صوبتهـ ومنهآ يخفف شوي من الحمولة ويخف وزنة ..

نجي للصوره اللي بعدهآ >> مآبغيت

هذآ محآر .. فتحة ولد عمي ..

وحصل فيهـ ترآب .. يستآهل والله .. يدور لؤلؤ هو ووجههـ يحسبهآ فوضى ..

يحصل المحآر بذآ السهولة .. لوهي كذآ كآن مآشفنآ النوخذيين >> هو كذآ جمع نوخذهـ؟:)

كآن مآحصلتهم يطبون نص البحر وهم مسكرين خشومهم بمسآكآت حبل ملآبس ..

وهذي الزبدة من رحلتنآ كلهآ

أمآ إني بروح ومآ آخذ لي صورة تذكآريهـ .. أنسوووووهـآ اسمحوآ لي مآقدر والله >> وآحد معترض عليك ؟!

الله أكبر >> على هالصورة حسيت إني أصلي .. بس القبلة ورآي خخخخخخخخخ

مشكلة والله هالخكري مدري كيف قآعد أنقلهـ معي :(

يآلبى قليبك والله ياولد عمي تصلح صورتة هذي تصميم .. بس ودك تحط بعير طآلع من البحر من آخر الصورة
وتكتب مثلآ ( يآولفي شب النآر مآنيب نآيم .. سهرآن وأرآقب نجوم المجرة ) >> وش رآيكم بالفكر الفوتوشوبي

الصورة هذي فيهآ سرطآن مندس أي متوزي أي متخبي أي (Hidden ) كتبتهآ بلهجآت كثيرة وباللغة الإنجليزية لأن موضوعي روآدة من أقصى المعمورة ^^ المهم اللي يقدر يحدد صورة السرطآن لهـ جآئزة وهي : إني أزود لهـ بالشرح عن التكآثر عن السرطآنآت^^ >> خآبر إهتمآمآت الشعب :)

هذي محآر مثل اللي فآتحينهآ قبل شوي .. ولد عمي أخذهآ معهـ يقول بفتحهآ بالبيت بطلع اللؤلؤ اللي فيهآ >> ملزم الأخو خخخخخخخخخخخ

ونسآهآ بالسيآرة من السآعهـ 7 والحين السآعة9وثلث تقريباً وأقولة روح جبهآ ويقول والله متكآسل ..

مـ ع ـاند جروحه · 07-30-2009, 10:25 AM

وهذآ بس بحري>> يسمع بكلب البحر.. حصلتهـ تحت الحصى وجنبة بيرة .. شكله مخربهآ
وقآعد يرضع عيآلهـ .. اقول عسى تبون معلومآت عن تكآثر البسسة البحرية >> وبعدين معك < ^^

شفتوآ يوم أقولكم فـ بدآية الموضوع إننآ ممكن نحصل حيوآن غريب ونسمية ( معآنكوش )
بس بس هذآ هو.. أول مرة أشوفهـ حآجة غريبة بصرآحة حيوآن كآنهـ ورقة شآهي بس لونهـ
بني قلبنآ حصآهـ وحنآ نطآرد أحد السرطآنآت وحصلنآهـ عليهآ وكآن وآضح وشوي شوي بدأ يغرس
نفسهـ بالحصآهـ .. ولد عمي حطهـ بيدهـ ودخل بين أصآبعهـ
أنآ حطيتهـ بيدي وقآم يدغدغني..^^
اكتشفنآ فيهـ عدة ميزآت منهـآ ..
1: لهـ قدرة عآلية على التغلغل بين الإصآبع خصوصآ أصآبع ولد عمي فقط ..
2: لهـ قدرة عآلية على الدغدغة .. لذلك نحن نطآلب بإن تكون هنآك فصيلة جديدة اسمهآ ( المرحيآت )
ويضآف لهآ حيوآن ( معآنكوش ) سميت بالمرحيآت نسبة للمرح .. لأنهآ تتميز بآلقدرة على الدغدغة ..
3: لهـ رآئحة ليست نتنة ولا زكية .. رآئحة غريبة نوعآ مآ.. لشميتهآ يتعفط وجهك وأنت مآتدري هي زينهـ
ولا لا .. لكن لمسحتهآ بولد عمك تروح الريحة >> مآسحهآ فيه << ههههههههههههههه
وأخيرآ سوف نآخذ عينهـ من الذكور والإنآث من ( معآنكوش ) وسوف ندرس كيفية التكآثر عندهـ
وبقولكم عنهـ .. لأن هذي أهم شي بحيآة أي كآئن .. ولا لو نهملهآ كآن مآتكآثرت الكآئنآت وانقرضن
وبقى بس الإنسآن ثم يختل الهرم الغذآئي العآلمي>> شفتوآ إني أفكر لبعيد :)
أخيرآ .. أعتذر عن الإطآلة بس حبيت أكتب لكم يومي هذآ أنآ وولد عمي
في شوآطئ الشرقيه .. >> كل هذآ ويوم أجل كيف لو تكلمت عن رحلتكم كلهآ ^^
اخوكم : معـآند جروووحـــــه ..

غلطة الأيام · 07-30-2009, 11:53 AM

معاااند جروووحه
والله الشرقيه ماعليها كلااام جو خياال’ خصوصا مع شروووق الشمس .,ووجودك فيهاا اكيد زادهاا جمال’ بس لا تنسى المرهـ الجااية تاخذنا معاااكـ
الله يسعدكم يارب وين ماكنت

وزين انك مع هالمناآآظر الجناان جاا في باالك المنتدى’,,
الف شكر لك

ميـــلاد · 07-30-2009, 12:16 PM

حيالله معآآآآند
معاند جاي لعندنا .. بشحمه ولحمه .. ولا علمنا
كان قلت لنا ونقوووم بالواجب
أجيب سرطانات البحر لين عندك تشيل ايدينهن عن عيونهن <~ شفت شلون !!

ماشالله عليكم .. رحلة حلوووة ووناسة
ومبروووك عليك اكتشاف الأخ .. معانكوش =)

waleed5566 · 07-30-2009, 01:48 PM

هههههههه
روعة الطلعة
بس ماخفتو أحد هالكائنات يطلع سام:(
بس أهم شي الوناسة
مرسي ع الصور بس ورا ما غطستو بالبحر هع
عوافي خيو عقبال المحيط الأطلسي ^_*

تلآوين · 07-30-2009, 03:08 PM

يا نوآخذ إخذوني معاكم < هيك تجمع نوخذه :)

والله الاغاني طلعت مفيده ههههههه

وماشالله على رحلتك يامعاند علميه مهب سهله

وبعدين الحيوان الاخير اللي زي الورقه هذي علق الله يسلمك

وصوركم مع الشمس رهيبه

تسلم ومنتظرين يوم آخر

♫‏♣..lelyan..♣♫ · 07-30-2009, 04:58 PM

ههههههههههههههههآآي

والله مكآآآن خطيييييير رهيب مافي منوآ ..

بس ماشالله عليك الي التقطت الصور وه فديت الشرقيهـ تهبل

بس أنت ماشالله عليك ماخفت يعني صورت الصور عن قريب ماشالله

لو أنا مستحييييييييييييييييل

ثانكس معاند على الموضوع

07-30-2009, 07:31 PM

معآند جرووحه

والله الشرقيييه بجد مآعليهآ كلام
وبآالاخص مع شروق الشمس
وصوركم مرره خطيير

رحلتك ممتعه بجد

يعطيك العآفيه معآند ع الموضوع

мişş●» şilễŋт̃‏ · 07-30-2009, 09:15 PM

هههه^^
أولآ المقدمه روعه أعجبني الشعر^_>
والله عندكم أفكآر رهيبه أنت ولد عمك شوقتني أسآفر الشرقيه الحين^^
والله من الفضآوى كم مره رجعتو بس تصدق كورنيش النخيل شكلهم طآردينك>خخخ
طموحك عآلي أجل جآلس تدور لك حيوآن غريب عشآن تسميه معآنكشوه^^
والله إنك سفآح قآتلن سرطآن وهو يصيح>خخخ
بس والله صورك شيئ ع الشآطئ وآضح إنك مندمج وجآلس تفكر بمستقبلك الفني والمهني^^ولد عمك والله صدق تصلح تصميم بعدين وش بعيره الله يرجك>هههههه
أيه صدق بقولك شفت سرطآن البحر^^بس مو معلمتك مكآنه
^_>يآشيخه..لآ ليتك قآيلن لنآ هديه غير ذي^^
الله يستر من الحيوآن الي أكتشفته تدري أحس إنه بيعآلج الكثير من الأمرآض الخطيره يعني بيكون وجه خير عليك بس قصة <حيآتك>رحلتك ممتعه
^_^
ننتظر رحآلتك القآدمه ليتهآ تكون لأسترآليآ^^

мiss●»Hzaz · 07-31-2009, 02:48 AM

ههههههههههههههه ونااااااااااااااسهـ...
رحــــــــــله ولا آآآآروعـ..

خاصتن صورتك صدق كأنك بتصلي ههههههههههههههههههههههههههـ...

تسمن ع المعلومات جديده

وسلم لي ع معانكوش ^_^

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نايف البدر ..[ أبغى يزعل ] ،، جديد البدر	السامر	» دنيآ ـآالفن	3	06-09-2009 10:17 PM
تحب البحر؟؟ اثاث من قاع البحر!!	صـ م ـت آلشـفايـف	» جمآإل منزلـــكـ	5	04-13-2009 01:50 AM
★ شايف البحر شووو كبير كبر البحر بحبك ★ الأزرق	صـ م ـت آلشـفايـف	» أَكثــر جآإذبِيــه	10	03-12-2009 01:45 AM
بيت تحت البحر	اصابر	» ـآالصـور	10	09-03-2007 02:41 PM
قصر على البحر	مـ ع ـاند جروحه	» جمآإل منزلـــكـ	16	08-13-2007 02:59 PM

يتصفح الموضوع حالياً : 1 (0 عضو و 1 ضيف)